پێنووس و لاستیکی کوژاندنەوەی نووسین

وەرگێڕانی : رەزا شوان / نەرویج

لەنـاو قـوتـوویەکی پێنووسدا، لاستیکـێکی کـوژانـدەوەی نووسـین و پێنووسێکی جـوان لە یەـکتریـان دەڕوانی.

لاستیکەکە : چـۆنی هـاوڕێی شـیرینم؟

پێنووسەکە : مـن هـاوڕێی تـۆ نیـم.

لاستیکەکە : بـۆ؟

پێنووسەکە : چـونکە رقـم لـێتە.

لاستیکەکە : بـۆ رقـت لـێمە؟

پێنووسەکە : چـونکە تـۆ نووسینەکـانی من دەکـوژێنیتەوە.

لاستیکەکە : مـن تەنها هەڵەکـان دەکـوژێنمەوە.

پێنووسەکە : تـۆ هەقـت بەمەوە چـییە؟

لاستیکەکە : مـن لاستـیکی کـوژاندنەوەی نووسیـنم، ئەمە ئیـشمە.

پێنووسەکە : جـا ئەمە کـەی ئیـشە؟

لاستیکەکە : ئیـشەکەی منـیش وەکو ئیشەکەی تۆ بەسـوودە.

پێنووسەکە : تـۆ هـەڵە و لەخـۆبـایـیت.

لاستیکەکە : بـۆچی؟ پێنووسەکە : چـونکە ئـەو کەسەی دەنـووسێ، باشترە لەو کەسەی کە دەکـوژێنێتەوە.

لاستیکەکە : کـوژاندەوەی (هـەڵـە)هـاوتای نـووسینی (راسـت)ـە.

پێنووسەکە بـۆ ماوەیەک سەری داگرت.. داما و بیری کردەوە.. ئینجا سەری هەڵبڕی.

پێنووسەکە : تـۆ راسـت دەکەی هـاوڕێی شـیرینـم.

لاستیکەکە : هـێشتا هـەر رقـت لـێمە؟

پێنووسەکە : رقـم لەو کەسە نیـیە، کە هـەڵەکـانم بکـوژێنێتەوە.

لاستیکەکە : ئـەوەی (راسـت) بـێ مـن نایکـوژێنمەوە.

پێنووسەکە : بـەڵام مـن دەتبـینم رۆژ لە دوای رۆژ بچـووکتر دەبیـتەوە.

لاستیکەکە : چـونکە بـۆ کـوژانـدەوەی هـەر هـەڵـەیەک، مـن قـوربانی بە بەشـێک لە لـەشی خـۆم دەدەم.

پێنووسەکە ـ بە دڵتەنگـییەوە ـ وتی : منیش هەست بەوە دەکەم، کە وەکو خۆم نەماوم، کـورت بوومـەتەوە.

لاستیکەکە ـ دڵی دایـەوە و ـ وتـی : هـاوڕێ گـیان، ئێـمە ناتـوانین سوود بە کەسانی تر ببەخـشین، ئەگەر لە پێناویـانـدا قـوربـانی نەدەیـن.

پێنووسەکە ـ بە خـۆشیـیەوە ـ وتی : هـاوڕێی دڵسـۆزم، تـۆ چەنـد مـەزنی و قسەکـانت چەنـد شـیرین و جـوانن.

لاستیکەکە و پێنووسەکە زۆر دڵخـۆش بـوون، کە وەکو دوو هـاوڕێی گیانی بە گیانی، ناکـۆک نیـن و.. لە یەکـتری دانـەبـڕان.