ڕۆژی جیهانیی منداڵان.....هۆنراوە بۆ منداڵان....عەلی حەمەڕەشید

ڕۆژی جیهانیی منداڵان

عەلی حەمەڕەشید

ئای چەند خۆشە یەکی شەشە

لێو بە خەندەین،ڕوومان گەشە

ڕۆژی جیهـــــــــانیی منداڵە

گشت ڕەنگێک تێیدا هاوبەشە

...

بەشــــداردەبین لەو خۆشییە

ئەو ڕۆژە ڕۆژێکــــی جیـــایە

چونکە بچیت بۆ هــەر شوێنێ

یاریی و گۆرانی و ســـەمایە

...

بە دەنگ و ئـــاوازی ناسک

ڕازی خۆمان دەخــــەینەڕوو

هـــەتا مافەکـــــانی منداڵ

بەجوانی دیاربێت لای هەموو

...

تا ئاســــودەیی وەکو ڕەنگ

بـە ڕوخسارمــــانەوە دیاربێ

ڕۆژی جیهـــانیی منـــداڵان

هەرگەشــاوە و پرشنگداربێ

........

٢٠٢٣/٥/١٠