ئامێزی خەیاڵ.....هۆنراوە بۆ منداڵان...عەلی حەمەڕەشید بەرزنجەیی

ئامێزی خەیاڵ

هۆنراوەی:عەلی حەمەڕەشید بەرزنجەیی

چەند خۆشە ئەو کاتانەی

لە ئامێزی خەیاڵام

لەو دنیا بەرینەدا

کەسێکم بەرزە باڵام

...

چەند خۆزگە و ھیوام ھەیە

دەیانگەمێ بێ کێشە

لە یەکێکیان تێر نەبووم

یەکێکی تر لە پێشە

...

دنیایەکە ڕەنگاوڕەنگ

سەربەست تیا دێم و دەچم

بە زوویی و بە ئاسانی

چیم بوێت پێی شاد دەبم

خۆزگە ئەم جیھانەشمان

وەکو جیھانی خەیاڵ

بۆ خۆزگە و ھیواکانمان

ئاسمانێک دەبوو ســاماڵ

...

١٣/٦/٢٠١٠