جەژنی دارستان

ئەمین محەمەد

.

هەمو وەرن،دەی با بڕۆین

بۆ ناو دارستان

بۆ بینینی ئاوی کانی و

چۆڕاوگەی باران

گۆرانی دەڵێن بۆقەکان

کاتی ئێواران

گوێم لە جریوەی باڵندەیە

دەفڕن لە ئاسمان

سمۆرەکان دێن و دەچن

لەسەر لقی دار

چەند جوانن ڕیزیان بەستووە

ورد ورد دێنە خوار

ئای لەو فیل و زەڕافەیە

چۆن بون بە هاوڕێ

تەماشای ئەو بێچوە ئاسکە

بۆ لای ئەوان دێ

بە قونە قون کەوتوتە ڕێ

کەروێشکە خرپن

ئەمڕۆ جەژنی دارستانە

ئاهەنگ دەگێڕن

٢٠٢٠/٧/٢