دەچینەوە بۆ خوێندن.........هۆنراوە بۆ منداڵان.....عەلی حەمەڕەشید

دەچینەوە بۆ خوێندن

ئێمەی منداڵ ھەر ھەموو

دوای تەواو بوونی پشوو

دڵ پڕ لە ھیوای مەزن

دەچینەوە بـــــۆ خوێندن

دەچین بۆ قـــوتابخانە

بە چالاکی و ژیــــــرانە

پڕ سۆزترین جێگــــایە

پیرۆزترین ڕێگایــــــــە

دڵسۆزی ئێمەی تیایــە

کە ئە ویش مامۆســتایە

دەچین لەوێ دەخـــوێنین

داری ھیوا دەڕوێــــــنین

ھەوڵی زۆر و تێکۆشــــان

دروشمێکە بۆ ھەمـــــووان

تا ڕۆشن بێت دوا ڕۆژمــان

بۆ خزمەتی کوردســــــتان

...