زەنگی ساڵی نوێ...هۆنراوە بۆ منداڵان.....عەلی حەمەڕەشید

زەنگی ساڵی نوێ

عــــــــــــــــــــــەلی حــــــــــــەمەڕەشید

دەنـــگی ســــــــاڵێکی نـــوێ

چەند بـــەخۆشی دێتە بەرگوێ

پێکـــــــەوە بـــە پـــەرۆشەوە

بـــەدڵێکی پــــڕ جـــۆشـــەوە

بەرەو خوێندن هەنگـــاو دەنێین

بەخــەنـــدەوە ســـــرود دەڵێین

دەڵێین خــوێندن چـــرای ژینە

بـــۆ پێشکـــــەوتن توانا و تینە

تا هیوامــــان گـــەش و دیاربێ

هەروەکو خـــۆر پرشنگدار بێ

بۆیە هەمـــوو دەڵێین خوێندن

تەنها ڕێیە بۆ سەرکـــــەوتن

مامۆستاکــــان خەمخۆرمانن

هاندەرێکی دڵسۆزمـــــــانن

دەنگی زەنگی ســاڵێکی نوێ

چەند بەخۆشی دێتە بەر گوێ