سەمــــــــای گەڵاکـــــان....هۆنراوە بۆ منداڵان......عەلی حەمەڕەشید

سەمای گەڵاکان

عەلی حەمەڕەشید

پایز گـــەڵای ھەندێک دار

دەوەرن دەکەونە خـــــوار

ھەردەڵێی سەمــــا دەکەن

دەچن خۆیان ڕادەخــــەن

دڵگیـرن وەکــــــــو تابلۆ

لەبـەر چــــــاوی من و تۆ

جوانیی گـــــەڵای وەریوە

دیمــــەنی وات نەدیــــوە

پێشوازی پایز دەکــــــەن

بەناز خۆیان دەردەخـــــەن

بە ڕەنگی گەڵا تـــــــەواو

سەرسام دەبن ھۆش و چاو