منداڵێکی خاوەن پێداویستی

عەلی حەمەڕەشید بەرزنجی

....

ھەرچەندە من خـاوەنی

پێداویستی تـایبەتم

بەڵام منیش وەک ئێوە

چــــالاک و بلیمەتم

...

خاوەنی بەھرە و توانام

وەک منداڵی ئاســـایی

ئاســـودە و بەختەوەرم

دەژیم بــــە دڵنیایی

...

وەک ئێوە ھــــەوڵدەدەم

وەک ئێوەش کۆشش دەکەم

ناخم پڕ لــــــە ھیوایە

تا بــە جوانی پێی بگەم

....

تــــا وەک منداڵانی تر

دەرکەوێ توانا و بەھرەم

پێداویستی تـــایبەتیم

زوو زوو بخـــەنە بەردەم

...

ئەوســـــا دەزانن منیش

بۆ بەرزی گەل و خـــاکم

چۆن لـــە ئاستی خۆمەوە

مرۆڤێکی چـــــــالاکم

٢٠٠٨/٤/١٥