منی منداڵ

عەلی حەمەڕەشید بەرزنجی

دایە گــیان منی مــــــنداڵ

بابە گیان منی مـــــــنداڵ

مافی خۆمە سەربەســت بم

ئاســـــــوودە بژیم لە ماڵ

...

کاری قورســـم پێ مەکەن

لە خوێندنیش دوام مەخەن

بۆ مەبەستێکی خـــــۆتان

منداڵیم لێ تێک مـــەدەن

...

چـــــــونکە دنیای منداڵی

خۆشـــــترین کاتە لە ژین

با بە ئارەزووی خــــۆمان

ئەو خۆشی یە بچــــێژین

...

کاتێک پرسیارێک دەکەم

بۆئەوەیە تێ بگــــــــەم

بە ڕووما ھەڵمەشـــاخێن

وەڵامــەکـــــەم پێ بڵَێن

...

ئەگەر ڕۆژێک لــە ڕۆژان

داوای شتم کــــرد لێتان

تواناتان نەبوو بیکـەن

قەت بەڵێنم پێ مەدەن

١٨ /٧/٢٠٠٠